ठाणे : ठाणे महानगरपालिकेच्या विद्यमाने प्रभाग क्रमांक २१मधील राम गणेश गडकरी रंगायतन नाट्यगृहात राम गणेश गडकरी, बालगंधर्व आणि अण्णासाहेब किर्लोस्कर यांचे पुतळे नव्याने करण्यात आले आहेत. या तीनही नूतनीकृत पुतळ्यांचा अनावरण सोहळा आज, २० एप्रिल रोजी दुपारी १२ वाजता सार्वजनिक बांधकाम मंत्री व ठाण्याचे पालकमंत्री एकनाथ शिंदे यांच्या शुभहस्ते आणि महापौर मीनाक्षी राजेंद्र शिंदे यांच्या अध्यक्षतेखाली होणार आहे. या कार्यक्रमासाठी सर्व नागरिकांनी उपस्थित राहावे, अशी विनंती महापौरांतर्फे करण्यात आली आहे.
स्थळ : राम गणेश गडकरी रंगायतन नाट्यगृह, मासुंदा तलावाजवळ, ठाणे.
वेळ : २० एप्रिल रोजी दुपारी १२ वाजता.
